चंद्रभागेतील वाळू चोरी: महसुल अधिकाऱ्यांवर 302 चा गुन्हा दाखल करण्याचा इशारा!

पंढरपूर |

पूर्वी लहान वाहनांमधून होणारी वाळू चोरी आता मोठ्या वाहनांमधून होत आहे. चंद्रभागेच्या पात्रात मोठे खड्डे पडून अनेक भाविकांचा बळी गेला आहे. उजनीतून सोडलेले पाणी या खड्ड्यांमध्ये साचून आणखी धोका निर्माण होऊ शकतो.  या खड्ड्यांमुळे एखाद्याचा मृत्यू झाल्यास महसुल अधिकाऱ्यांवर 302 चा गुन्हा दाखल केला जाईल.

 

 असा इशारा महर्षी वाल्मिकी संघाचे संस्थापक अध्यक्ष गणेश अंकुशराव यांनी दिला आहे. यावर त्वरित कारवाई करण्याची मागणी: गेल्या अनेक वर्षांपासून चंद्रभागेतील वाळू चोरी विरोधात आवाज उठवला जात आहे. या प्रश्नावर मागील तहसिलदार आणि प्रांताधिकारी यांच्या बदलीची मागणी करण्यात आली होती.

 

 परंतु, नवीन अधिकाऱ्यांनीही याकडे दुर्लक्ष केले आहे.  महसुल अधिकाऱ्यांनी वाळू चोरी थांबवू शकत नसल्यास, उजनीचे पाणी चंद्रभागेत येण्यापूर्वी खड्डे बुजवून घ्यावेत, अशी मागणी करण्यात आली आहे. यावर अधिकाऱ्यांनी नकारात्मक प्रतिक्रिया दिली आहे. त्यामुळे या खड्ड्यांमुळे एखाद्याचा मृत्यू झाल्यास संबंधित अधिकाऱ्यांवर 302 चा गुन्हा दाखल केला जाईल, असा इशारा देण्यात आला आहे. याबाबत लवकरच निवेदनही दिले जाणार आहे. यामुळे भाविकांमध्ये तीव्र संताप निर्माण झाला आहे आणि प्रशासनाकडून त्वरित कारवाईची मागणी होत आहे.