जडेजा अशी कामगिरी करणारा ठरला पहिलाच भारतीय

रवींद्र जडेजाने संपूर्ण मालिकेत दमदार कामगिरी केली आहे. गोलंदाजीत त्याला हवी तशी कामगिरी कामगिरी करता आलेली नाही. पण फलंदाजीत त्याचा दरारा पाहायला मिळाला आहे. या मालिकेतील पाचही सामन्यात त्याने फलंदाजीत दमदार कामगिरी केली. यासह त्याने या मालिकेत ५०० धावा पूर्ण केल्या आहेत. रवींद्र जडेजाने सहाव्या क्रमांकावर फलंदाजी करताना एक मोठा विक्रम आपल्या नावावर केला आहे.

रवींद्र जडेजा हा वर्तमान भारतीय संघातील सर्वात अनुभवी खेळाडू आहे. जेव्हा जेव्हा संघाला गरज पडली, तेव्हा जडेजा खंबीरपणे उभा राहिला. पहिला कसोटी सामना सोडला तर उर्वरित चारही सामन्यांमध्ये जडेजाने अर्धशतकं झळकावली आहेत. या मालिकेतील १० डावात त्याने ५ अर्धशतकं आणि १ शतक झळकावलं आहे.