नेपाळच्या पशुपतींनाथाचं बार्शीत दर्शन, श्री गणेश मंडळाचं डेकोरेशन



बार्शी - गणेशोत्सवात गणेश मंडळांच्या देखाव्यांची चर्चा होत असते, ते पाहायला गर्दीही होते. बार्शीकर मोठ्या उत्साहाने या मंडळातील बाप्पांचे दर्शन घेतात. देखावे पाहून उत्सवाचा द्विगुणित आनंद घेतात. यंदा, शहरातील रोडगा रस्ता येथील श्री गणेश मंडळाने नेपाळच्या काठमांडू येथील पशुपतींनाथाचं हुबेहूब मंदिर बार्शीत उभारलं आहे. महेश यादव यांच्या नेतृत्वातील या मंडळाने बार्शीकरांना नेपाळच्या धार्मिक पर्यटनाची सैरच घडवली, असे म्हणावे लागेल. 

माजी मंत्री दिलीप सोपल यांच्याहस्ते येथील 'पशुपतीनाथ दर्शन' या देखाव्याचे उद्धाटन सोमवारी करण्यात आले. यावेळी, अनेक मान्यवर उपस्थित होते. काठमांडू येथील #बागमती नदीच्या काठावर वसलेलं पशुपतीनाथ हे प्रसिद्ध शिवमंदीर आहे. हे हिंदू धर्मियांचं पवित्र तीर्थक्षेत्र असून भगवान शिवशंकरांचं पशु रूपातील मंदिर आहे. पशू म्हणजेच जीव जंतू आणि नाथ म्हणजे स्वामी. संसारातील प्राणीजीवांचे स्वामी अशा अर्थाने पशुपतीनाथ हे नाव या मंदिराला पडले आहे. तर, पुराण काळात पांडवांनी कुरुक्षेत्र युद्ध जिंकल्यानंतर भगवान शंकराची पूजा करून प्रायश्चित्त करण्याचे ठरवले. त्यावेळी, भोलेनाथ यांनी बैलाचा अवतार घेऊन तेथून पळ काढला. पांडवांना सहज दर्शन न देण्याची त्यामागे भावना होती. अखेर बैलाच्या रुपात महादेव भूमिगत झाले, त्यावेळी बलशाली भीमाने बैलाची शेपटी धरण्याचा प्रयत्न केला. तेव्हा, भूमिगत झालेल्या बैलाचे मुख काठमांडू येथून प्रकट झाले, तेच हे पशुपतीनाथ मंदिर अशी आख्यायिका सांगितली जाते.

यंदाच्या वर्षी श्री गणेश मंडळाने हा देखावा बार्शीत साकारला असून गेल्या 4 महिन्यापासून या सेटचं काम सुरू होते. यातील बहुतांश कलाकरी ही इचलकरंजी येथे बनविण्यात आली आहे. तर, उर्वरित बार्शीतील संतोष जाधवर यांनी पूर्ण केल्याचे मंडळाचे अध्यक्ष अमोल वायचळ यांनी सांगितले. तसेच, राम घोंगडे, अमोल हिंगमीरे यांच्यासह मंडळाच्या सर्वच सदस्य, कार्यकर्त्यांनीही डोकोरेशन उभारणीसाठी मोलाचे परिश्रम घेतले आहेत.

Post a Comment

0 Comments