पंढरपूर/प्रतिनिधी:
राज्य सरकारने कोरोनाची साखळी तोडण्यासाठी ५ एप्रिल पासून ३० एप्रिल पर्यंत धार्मिक स्थळ बंद केली आहे. त्यात विठ्ठल मंदिर ह बंद आहे त्यामुळे श्री विठ्ठल-रुक्मिणी मातेची २३ एप्रिल रोजी होणारी चैत्र वारी मंदिर समिती कडून रद्द करण्यात आली आहे. मात्र एकादशी दिवशी पंढरपुरात भाविकांची गर्दी होऊ नये म्हणून पोलिस प्रशासनाकडून अकराशे पोलिसांचा बंदोबस्त लावण्यात आला आहे. हा बंदोबस्त २० एप्रिल ते २४ एप्रिल पर्यंत राहणार असल्याची माहिती विभागीय पोलीस अधिकारी विक्रम कदम यांनी दिली आहे.
भाविकांना पंढरपूर मध्ये येण्यास बंदी
राज्यात कोरोनाचा प्रादुर्भाव वाढत आहे. कोरोनाची
साखळी तोडण्यासाठी राज्य सरकारने ५ एप्रिल पासून राज्यातील धार्मिक स्थळी बंद केली आहे. पंढरपूर येथील श्री विठ्ठल रुक्मिणी मातेचे मंदिर ५ एप्रिल पासून ते ३० एप्रिल पर्यंत भाविकांसाठी बंद ठेवण्यात आले. आता २३ एप्रिल रोजी होणारी चैत्री यात्रा प्रतीकात्मक स्वरुपात करण्याचा निर्णय घेतला आहे. मात्र या कालावधीत विठ्ठलाचे सर्व नित्योपचार परंपरेनुसार सुरू आहेत. त्यामुळे प्रतिवर्षाप्रमाणे परंपरेनुसार येणाऱ्या सर्व दिंड्या व सर्व पायी येणाऱ्या वारकरी भाविकांनी या काळात बंदी घालण्यात आली आहे. चैत्र वारी निमित्ताने पंढरपुरात भाविकांची गर्दी करु नये असे आवाहन विठ्ठल मंदिर समितीकडून करण्यात आले आहे.
अकराशे पोलिसांचा चोख बंदोबस्त
श्री विठ्ठल रुक्मिणी मातेचे मंदिर ३० एप्रिलपर्यंत बंद राहणार आहे. चैत्र यात्रेनिमित्त भाविकांची गर्दी होऊ नये म्हणून पोलिसांकडून ५०० पोलीस कर्मचारी, ५०० होमगार्ड, एसआरपी कंपनी, ३ उपविभागीय पोलीस अधिकारी, ५ पोलीस निरीक्षक, ५० सहाय्यक पाेलीस निरीक्षक, १५ महिला सहाय्यक पोलीस निरीक्षकांचा तैनात असणार आहे. पंढरपूर येथे २० ते २४ एप्रिल पर्यंत पोलिस तैनात असणार आहे.
गट वर्षीप्रमाणे याहीवर्षी चैत्र वारी रद्द
विठ्ठल रुक्मिणी मातेची चैत्र वारी चार मोठ्या वाऱ्या पैकी एक आहे. गतवर्षी कोरोना प्रादुर्भाव असल्यामुळे श्री विठ्ठल-रुक्मिणी मातेची चैत्री यात्रा रद्द करण्यात आली होती. त्यानंतर आषाढी, कार्तिकी, माघवारी जिल्हा प्रशासनाकडून रद्द करण्यात आली होती. गेल्या वर्षभरामध्ये पंढरपूर येथे श्री विठ्ठल रुक्मिणी मातेच्या चारा यात्रापैकी कोणतीही यात्रा करू शकत नाही. मात्र राज्य सरकारकडून दिवाळीच्या पाडव्याच्या मुहूर्तावर श्री विठ्ठल रुक्मिणी मातेचे मुखदर्शन भाविकांसाठी खुले केले होते. त्यामध्ये मंदिर समितीला कोरोनाची सर्व नियमांचे पालन करत मुखदर्शनाची सोय करावी अशी सूचना दिली होती. कोरोना का दुसऱ्याल लाटेमुळे विठ्ठल-रुक्मिणी मंदिर पाच एप्रिलपासून भाविकांसाठी बंद करण्यात आले आहे.
0 Comments