टिकटॉक स्टार लेडी कंडक्टर व सहकार्‍यासह निलंबित

धाराशिव |

कळंब आगारातील लेडी कंडक्टर ने एसटी महामंडळाच्या खाकी ड्रेसवरील व्हिडीओ सोशल मिडियावर इंस्टाग्राम  मार्फत अपलोड करुन सोशल मीडीयावर धुमाकुळ घातला होता, या प्रकरणी तिला व तिच्या साथीदाराला एसटी महामंडळाची प्रतिमा मलिन केल्या प्रकरणी निलंबीत करण्यात आले आहे.  

 सोशल मिडीयावर गाण्याचे व्हिडीओ तयार करून रातोरात स्टार झालेले व नशीब पालटलेले किस्से आपण पाहिलेत आहेत, या मधे अनेक जण मालामाल झाले आहेत. परंतु सोशल मिडीयावर परिवहन महामंडळाच्या ड्रेसवरील (गणवेश) व्हिडीओ तयार करणे कळंब बस आगारातील टिकटॉक स्टार लेडी कंडक्टर मंगल सागर गिरी व तीचा सहकारी कंडक्टर कल्याण कुंभार याला महागात पडले अन चक्क निलंबनाला सामोरे जावे लागले आहे,  

कळंब बस आगारातील लेडि कंडक्टर मंगल सागर गीरी हिचे व्हिडीओ सोशल मिडियावर धुमाकुळ घालत आहेत विविध प्रकारचे व्हिडीओ मुळे लेडी कंडक्टर  मंगल सागर गिरी ह्या चर्चेत आल्या होत्या व इंस्टाग्रामवर लोकप्रीयता मिळवली होती. परंतु लेडी कंडक्टर मंगल यांनी चक्क ऑन ड्युटीवरील खाकी वर्दितील बस चालवणे तसेच प्रवाशांचे तिकीट फाडीत असणारे व्हिडीओ सोशल मिडियावर टाकले या मुळे टीक टॉक  स्टार बनु पाहणाऱ्या मंगल सागर गिरी व तिचा सहकारी कल्याण कुंभार यांना एसटी महामंडळाची प्रतिमा मलीन केल्याप्रकरणी कळंब आगाराचे व्यवस्थापक मुकेश कोमटवार यांनी त्यांना निलंबीत केले. रातोरात स्टार बनु पाहणाऱ्या लेडी कंडक्टरला अखेर निलंबनाला सामोरे जावे लागले आहे.