विरोधी पक्षनेते देवेंद्र फडणवीस यांच्या विरोधात गेलेले एकनाथ खडसे भाजपला रामराम ठोकून ईडीच्या चौकशीत अडकले.
‘तुम्ही माझ्यामागे ईडी लावली तर मी तुमची सीडी लावेन’, असा इशारा मी भाजपाला मागे दिला होता. मात्र, खरोखरच त्यांनी माझ्या मागे ईडी लावली आहे. तेव्हा आता मला सीडी लावावीच लागेल”, असे खडसे बोलल्यामुळे आता भाजपासाठी धोक्याची घंटा वाजली असल्याची चर्चा आहे. भाजपचे माजी मंत्री गिरीश महाजन यांच्या मतदार संघात जामनेर येथे जयंत पाटील यांच्या उपस्थितीत झालेल्या राष्ट्रवादीच्या कार्यक्रमात खडसे बोलत होते.
"मी राष्ट्रवादी काँग्रेसमध्ये प्रवेश केला तेव्हा जयंत पाटील यांनी एक विधान केले होते. तुमच्यामागे आता ईडी लागू शकते अशी शक्यता त्यांनी व्यक्त केली होती. त्यावर त्यांनी ईडी लावली तर मी त्यांची सीडी लावेन असे म्हणालो होते. आता प्रत्यक्षात माझी ईडी चौकशी सुरू करण्यात आली आहे. त्यामुळे आता मी सीडी लावण्याचे काम करणार आहे”, असे खडसे बोलले आहेत.
0 Comments