जाहिरातीमुळे सचिन आला अडचणीत; आता बच्चू कडू पाठवणार नोटीस, आंदोलनाचाही दिला इशारा

मुंबई |

बॉलिवूडचा बादशाह शाहरुख खानपाठोपाठ आताचा सचिन तेंडुलकरही जाहिरातींच्या बाबतीत अडचणीत येण्याची शक्यता आहे. ऑनलाइन गेम जाहिरातीमध्ये ब्लास्टर मास्टर सचिन तेंडुलकर भारतरत्नला जाहिरात भोवण्याची चिन्हे आहेत. सचिन तेंडुलकरच्या ऑनलाइन गेमच्या जाहिरातीमुळे आमदार बच्चू चांगलेच आक्रमक झाले आहेत.

आमदार बच्चू कडू म्हणाले की, सचिन तेंडुलकरला ३० ऑगस्ट रोजी त्याच्या वकिलामार्फत कायदेशीर नोटीस पाठवणार आहोत. ते पुढे म्हणाले की, भारतरत्न विजेत्यांची एक आचारसंहिता असते जी कोणत्या जाहिराती करायच्या आणि कोणत्या करू नयेत हे ठरवते. त्यामुळे ३० ऑगस्टला आम्ही आमच्या वकिलांच्या माध्यमातून सचिन तेंडुलकरला कायदेशीर नोटीस बजावणार आहोत. त्यानंतर बेशिस्तीबाबत निर्णय घेणार असल्याचे बच्चूकडू यांनी सांगितले.

दरम्यान, काही दिवसांपूर्वी जाहिरातीच्या मुद्द्यावरून बॉलिवूडचा बादशाह शाहरुख खानच्या बंगल्याबाहेर आंदोलन करण्यात आले होते. जमाव आक्रमक झाला आणि शाहरुखच्या बंगल्याबाहेर निदर्शने केली. त्यानंतर पोलिसांनी शाहरुखच्या घराबाहेर सुरक्षा वाढवली आहे. या आंदोलनादरम्यान काही आंदोलकांना पोलिसांनी ताब्यातही घेतले. आता शाहरुख खाननंतर सचिन तेंडुलकरच्या अडचणीही या ऑनलाइन गेमच्या प्रमोशनमुळे वाढू शकतात.