बुद्धिबळ स्पर्धेमध्ये महाराष्ट्र विद्यालयाच्या खेळाडूंची विभागीय स्तरावर निवड

               

दि. १ व २ डिसेंबर २०२२ रोजी लोकमंगल स्कूल वडाळा  येथे  १४/१७/१९ वयोगटातील मुले व मुली यांची शालेय जिल्हास्तरीय बुद्धिबळ स्पर्धाचे आयोजन करण्यात आले होते.

सदर स्पर्धांमध्ये ११ तालुक्यातून ३३० खेळाडूंनी सहभाग घेतला. या स्पर्धेमध्ये महाराष्ट्र विद्यालयाच्या वयोगट १४ मुलांमध्ये तिसरा क्रमांक उदयांनद दळवी, वयोगट १४ मुलींमध्ये पाचवा क्रमांक कुमारी सृष्टी पाटील, वयोगट १७ मुलांमध्ये प्रथम क्रमांक प्रसन्न जगदाळे, व वयोगट १९ मुलांमध्ये द्वितीय क्रमांक सर्वेश बेंद्रे या  एकूण ४ खेळाडूंची विभागीय स्तरावर निवड झाली.

या स्पर्धेसाठी संस्था सदस्य श्री.बी.के. भालके यांचे विशेष मार्गदर्शन लाभले. श्री.अतुल नलगे यांनी संघ व्यवस्थापनाचे कार्य पार पाडले तसेच क्रीडा शिक्षक श्री.अनिल पाटील, श्री.पी.डी पाटील, श्री.योगेश उपळकर यांचे मार्गदर्शन लाभले. या यशाबद्दल सर्व खेळाडूंचे संस्थेचे अध्यक्ष बी.वाय. यादव, उपाध्यक्ष एन.एन.जगदाळे,सचिव पी.टी. पाटील, सहसचिव ए.पी.देबडवार, खजिनदार जयकुमार शितोळे, सर्व कार्यकारिणी सदस्य, सर्व संस्था सदस्य, महाराष्ट्र विद्यालयाचे प्राचार्य जी.ए.चव्हाण, उपमुख्याध्यापक आर.बी.सपताळे, सर्व शिक्षक व शिक्षकेतर कर्मचारी या सर्वांनी अभिनंदन करून पुढील वाटचालीसाठी शुभेच्छा दिल्या.