धाराशिव |
एसटीत व्हिडिओ बनवल्याप्रकरणी निलंबीत करण्यात आलेल्या महिला कंडक्टरचे निलंबन मागे घेण्यात आलं आहे. या लेडी कंडक्टरला ड्युटीवर असताना रिल्स बनवून इन्स्टाग्रामवर अपलोड करणं चांगलचं महागात पडलं होतं. याप्रकरणी एसटी महामंडळानं संबंधित महिला कंडक्टरला निलंबित केलं होतं. मात्र, महामंडळानं अखेर हे निलंबन मागे घेतलं आहे. मंगल सागर गिरी असं या कंडक्टरचं नाव आहे. गिरी या उस्मानाबाद जिल्ह्यातील कळंब एसटी आगारात कार्यरत आहेत.
एसटी महामंडळाची प्रतिमा मलीन केली म्हणून मंगल गिरी यांच्यावर कारवाई केली होती. मंगल सागर गिरी यांच्याबरोबर वाहक कल्याण कुंभार यांचे निलंबन देखील एसटी महामंडळाने मागे घेतलं आहे. त्यांना 13 ऑक्टोबरपासून कामावर रुजू होण्याचे आदेश आगार व्यवस्थापकांनी दिले आहेत. लेडी कंडक्टरचे निलंबन केल्यानंतर एसटी महामंडळवर सोशल मीडियावर मोठ्या प्रमाणात टीका झाली होती. त्यानंतर आता ही निलंबनाची कारवाई मागे घेण्यात आली आहे.
ड्युटीवर असताना रिल्स बनवून इन्स्टाग्रामवर अपलोड करणे उस्मानाबाद जिल्ह्यातील महिला कंडक्टर मंगल सागर गिरी यांना चांगलंच महागात पडलं आहे. एसटी महामंडळाने या महिला कंडक्टरला निलंबित केलं होतं. गिरी या उस्मानाबाद जिल्ह्यातील कळंब एसटी आगारात कार्यरत आहेत. एसटी महामंडळाची प्रतिमा मलीन केल्यामुळे मंगल गिरी यांच्यावर कारवाई करण्यात आली होती. महामंडळाने वाहतूक कंट्रोलरला देखील याच कारणाने निलंबित केलं होतं. कल्याण कुंभार असं वाहतूक कंट्रोलरचं नाव होते. आहे.
0 Comments