पंढरपूरच्या पैलवानाचा कुस्तीचा सराव करताना तालमीतच मृत्यू


सोलापूर |

कोल्हापुरातील एका तालमीत कुस्तीचा सराव करत असताना पंढरपूरच्या वाखरी येथील मारुती सुरवसे या 23 वर्षाच्या पैलवानाचा रात्री मृत्यू झाल्याची दुर्दैवी घटना घडली आहे. गेल्या काही वर्षांपासून सुरवसे हा कोल्हापुरातील तालमीत कुस्तीचा सराव करत आहे. रात्री तालमीत कुस्तीचा सराव करू अंघोळ करत असताना अचानक छातीत दुखू लागल्याने रुग्णालयात दाखल करण्यात आले. उपचारा दरम्यान त्याचा मृत्यू झाला.

मयत मारुतीचे वडील वाखरीत शेती करतात. मारुतीला लहानपणा पासूनच कुस्तीची आवड होती. कुस्तीमध्ये करियर करण्यासाठी त्याला. कोल्हापूर येथील तालमीत कुस्तीच्या सरावासाठी पाठवण्यात आले होते. मारुतीच्या मृत्यूमुळे कुस्ती क्षेत्रात हळहळ व्यक्त केली जात आहे. मारुती सुरवसे याच्या मृत्यूमुळे वाखरी गावावर शोककळा पसरली आहे. आपला मुलगा पैलवान होईल या अपेक्षेने जगणाऱ्या आई वडिलांवर दुःखाचा डोंगर कोसळला आहे.

Post a Comment

0 Comments