अवैध धंद्याच्या समूळ उच्चटनासाठी एसपी तेजस्वी सातपुते यांचे 'ऑपरेशन परिवर्तन'



सोलापूर : गुन्हेगारांना समाजाच्या मुख्य प्रवाहात आणण्याबरोबरचं अवैध धंद्याच्या समूळ उच्चाटन करण्यासाठी सोलापूर ग्रामीणच्या पोलिस अधीक्षक तेजस्वी सातपुते यांनी "ऑपरेशन परीवर्तन" हे अभियान सुरू केले आहे.यामध्ये सोलापूर जिल्हयात हातभट्टी निर्मीती व विक्री करणा-या गुन्हेगारांना त्यांच्या गरजा लक्षांत घेऊन सामान्य नागरिक बनवण्यासाठी विशेष प्रयत्न चालवले आहेत.


सोलापूर जिल्हयात मोठ्या प्रमाणात चोरून हातभट्टीची निर्मीती होत असून तिची विक्री देखील तेजीत होत आहे.या दारूमुळे गोरगरिबांचे संसार उधवस्त होत असून वेळप्रसंगी काही लोकांना आपल्या प्राणास मुकावे लागत आहे.या दारु अड्ड्यांनां पायबंद घालण्यासाठी वारंवार कारवाई झाली.मात्र अवैध हातभट्टी दारु निर्मितीच्या धंद्यातील गुन्हेगारांनी जागा बदलून आपले अवैध धंदे सुरूच ठेवले.त्यामुळे  यावर कायमचा उपाय म्हणून सोलापूरच्या एसपी तेजस्वी सातपुते यांनी ऑपरेशन परिवर्तन हाती घेतले.त्यासाठी सोलापूर जिल्हयातील प्रत्येक पोलीस स्टेशन हद्दीतील हातभट्टी निर्मितीच्या अड्ड्यांवर एकाचवेळी सर्व ठिकाणी छापेमारी करण्यात आली. मग सर्व पोलीस अधिकाऱ्यांनी सामूहिक कारवाई करत सर्वच गुन्हेगारांवर दाखल केले.त्यानंतर संबंधित पोलीस आधिकऱ्यांना 

एकूण ७१ ठिकाणे (Hotspot) हे निश्चीत करण्यात आली असून ही सर्व ठिकाणे  पोलीस अधीक्षक ते पोलीस उपनिरीक्षक या दर्जाच्या अधिकारी यांना दत्तक म्हणून देण्यात आलेली आहेत.यामध्ये पालक अधिकाऱ्यांच्या त्या गावातील ठिकाणीवरील अवैध दारूबंदी निर्मीती व विक्री बंद करणे, सदर व्यवसायातील लोकांना परावृत्त करणे, त्यांना दुसरे कायदेशीकर उद्योगाकडे वळवणे, त्यासाठी कर्ज- शासकीय मदत मिळण्यसाठी मार्गदर्शन करणे अश्या कार्यक्रमांची अंमलबजावणी करण्यात येत आहे.पोलीस अधीक्षक तेजस्वी सातपुते यांनी यामध्ये मुळेगाव तांडा, ता.द. सोलापूर व अप्पर पोलीस अधीक्षक अतुल झेंडे यांनी भानुदास तांडा,ता. द.सोलापूर हे तांडे दत्तक घेतले असून त्या योजनेत अधिकाऱ्यांनी मोठ्या प्रमाणात पोलीस कुमक घेवून दोन्ही त्या तांड्यावरील अवैध हातभट्टी निर्मीतीच्या ठिकाणांवर दर तीन दिवसांनी छापेमारी सुरु केली आहे.त्यामध्ये केसेस-१९९, मुद्देमाल १५० लिटर दारू, ४८ हजार २०० लिटर रसायन असा एकूण किंमत १० लाख १५ हजार ९८० रुपये व आरोपी ११ ताब्यात घेतले. त्यात मुळेगाव तांडा येथे छापा कारवाई केल्यानंतर गावातील तरुण मुलांना तेजस्वी सातपुते यांनी हातभट्टी दारूमुळे होणारे दुष्परीणाम व त्यापासून परावृत होण्यासाठी मार्गदर्शन केले.यामध्ये सदर गावातील राजू चव्हाण या इसमाने स्वतःची दारूची भट्टी स्वतः जेसीबी मशीनने उद्ध्वस्त केली असून यापुढे हातभट्टीची दारू गाळणार नसल्याचे सर्वासमक्ष प्रतिज्ञा केली आहे. 

Post a Comment

0 Comments