संजय राठोड यांच्या मंत्रिमंडळातील समावेश केल्याबद्दल भाजपच्या नेत्या चित्रा वाघ यांनी तीव्र नाराजी व्यक्त केली आहे. पूजा चव्हाण या तरुणीच्या मृत्यूला कारणीभूत असणाऱ्या संजय राठोड याचा मंत्रामंडळात केलेला समावेश अत्यंत दुदैवी असल्याचे चित्रा वाघ यांनी ट्विट करत स्पष्ट केले आहे.
भाजपच्या चित्रा वाघ यांनी केलेल्या ट्विटमध्ये म्हटले आहे की, ” पूजा चव्हाण हिच्या मृत्यूला कारणीभूत असणाऱ्या माजी मंत्री संजय राठोडला पुन्हा मंत्रीपद दिलं जाणं हे अत्यंत दुर्दैवी आहे. संजय राठोड जरी पुन्हा मंत्री झालेला असला तरीही माझा न्याय देवतेवर विश्वास आहे. संजय राठोड विरुद्धचा माझा लढा मी सुरूचं ठेवणार असल्याचेही त्यांनी स्पष्ट केले आहे.
‘पूजा चव्हाणच्या मृत्युला कारणीभूत असणाऱ्या माजी मंत्री संजय राठोडला पुन्हा मंत्रीपद दिलं जाणं, हे अत्यंत दुदैवी आहे. संजय राठोड जरी पुन्हा मंत्री झालेला असला तरीही त्याच्या विरुद्धचा माझा लढा मी सुरूचं ठेवलेला आहे. माझा न्याय देवतेवर विश्वास लडेंगे..जितेंगे’, असं ट्विट चित्रा वाघ यांनी केलं आहे.
भाजप नेत्या चित्रा वाघ यांनी पूजा चव्हाण मृत्यू प्रकरणात आक्रमक भूमिका घेतली होती. राठोड यांनी मंत्रिपदाचा राजीनामा द्यायला हवा यासाठी त्यांनी वारंवार पाठपुरावा केला. अन् अखेर राठोडांना राजीनामा द्यावा लागला होता. पण आज राठोड यांनी शिंदे सरकारमध्ये मंत्रिपदाची शपथ घेतली आहे. त्यावरून त्यांनी टिकास्त्र डागलंय.
काय आहे पूजा चव्हाण प्रकरण?
बीडमधील परळी येथील टिक टॉक स्टार पूजा चव्हाण या तरुणीने आत्महत्या केलेली. तिनं पुण्यात आत्महत्या केल्यानं एकच खळबळ उडालेली. तेव्हा तत्कालीन वनमंत्री संजय राठोड यांच्यावर पूजा चव्हाण या तरुणीच्या मृत्यूप्रकरणी गंभीर आरोप करण्यात आलेले होते. या आरोपानंतर संजय राठोड यांना राजीनामा द्यावा लागला होता. यावेळी पूजा चव्हाणच्या कॉल रेकॉर्डिंगही व्हायरल झाल्या होत्या. त्यातील आवाज संजय राठोड यांचा असल्याचा आरोप केला जात होता. यानंतर संजय राठोड कुटुंबासह नॉट रिचेबल झालेले. काही काळानंतर ते पुन्हा बंजारा समाजातील कार्यक्रमांमध्ये सक्रिय झाले. अखेरीस पुण्यातील वानवडी पोलिसांनी पूजा चव्हाण हिचा मृत्यू घातपात नसल्याचा खुलासा केला होता. पुजाचा अपघाती मृत्यू झाला असल्याचा खुलासा पोलिसांनी केल्यानंतर संजय राठोड यांना दिलासा मिळाला होता.
0 Comments