सोलापुरात पन्नास लाखांचा गांजा जप्त;सांगोला पोलिसांची मोठी कारवाई

सोलापूर :

सोलापुरातील सांगोला पोलीस ठाण्याच्या हद्दीत पोलिसांनी जवळपास ४३ लाख ६६ हजार रुपयांचा गांजा जप्त केला आहे.रात्रगस्त करत असताना पेट्रोलिंग करताना पोलिसांनी इनोव्हा कारची तपासणी केली.त्यामध्ये संशयीत आरोपींनी वेगवेगळ्या पोत्यांत भरून गांजा घेऊन निघाले होते.सांगोला पोलिसांनी इनोव्हा कार,गांजा,मोबाईल असा एकूण ५५ लाख रुपयांचा मुद्देमाल जप्त केला आहे.या कारवाईत पोलिसांनी संग्राम मलाप्पा पुजारी( रा. पुसेगाव भवानी नगर, ता. खटाव, जि. सातारा, मुळ रा. मारुती नगर, मुद्देबिहाळ, ता. मुद्देबिहाळ, जि. विजापुर, राज्य-कर्नाटक) यास अटक केली आहे.यावर एनडीपीएस अंतर्गत गुन्हा दाखल केला आहे.याबाबत अधिकृत माहिती पोलीस निरीक्षक अनंत कुलकर्णी यांनी दिली.

पेट्रोलिंग करताना इनोव्हा कार आढळली-

सांगोला पोलिस ठाण्यातील बिट  मार्शल कल्याण ढवणे व सुनील लोंढे ८ जुलै रोजी पहाटे तीन वाजण्याच्या सुमारास पेट्रोलिंग करत होते. रात्रगस्त करत असताना महुद बुद्रुक ते दिघंची जाणाऱ्या मार्गावर सांगोला हद्दीत रोडच्या कडेला एमएच ४३ एजे २३२७ ही सिल्व्हर रंगाची इनोवा गाडी अंधारात संशारपद रित्या थांबलेली दिसली. या इनोव्हा कारच संशय आल्याने सरकारी वाहनातुन खाली उतरुन गाडी चालकास आवाज दिला. पण इनोव्हा कारचालक दार न उघडता गाडी चालु करून वेगाने दिघंचीकडे जावु लागला. 

पाठलाग करून इनोव्हा कार ताब्यात घेतली-

पेट्रोलिंगच्या पोलिसांनी पोलीस वाहन वळवुन त्याचा पाठलाग करून सदरचे वाहन पकडले.त्याला थांबवुन त्यातील चालकाकडे नाव गाव विचारले असता त्याने त्याचे नाव संग्राम मलाप्पा पुजारी (रा. पुसेगाव भवानी नगर, ता. खटाव, जि. सातारा,मुळ रा. मारुती नगर, मुद्देबिहाळ, ता. मुद्देबिहाळ, जि. विजापुर, राज्य-कर्नाटक) असे असल्याचे सांगीतले.त्याच्याकडे सदर वाहनामध्ये काय आहे याबाबत विचारपुस केली असता त्यामध्ये ०९ पोती आहेत व त्या पोत्यांमध्ये गांजाची पॉकेटस आहेत, अशी माहिती दिली.

इनोव्हा कार मध्ये गांजाची पाकीट आढळली-

पेट्रोलिंगच्या पोलीस पथकाने इनोव्हा कार मधील सर्व पोते उघडुन खात्री केली असता प्रत्येक पोत्यांमध्ये चिकटपट्टीने पॅक केलेली गांजाची पॅकेट्स मिळून आली. इसमाच्या ताब्यात सुमारे ४३ लाख ६६ हजार ४०० रुपये किमतीचा २१८ किलो गांजा व १२ लाख  रुपये किमतीची इनोव्हा कार तसेच आरोपीकडील मोबाईल, इनोव्हा गाडीत मिळुन आलेल्या दोन वेगळ्या नंबरच्या नंबरप्लेट जप्त करण्यात आल्या आहेत. याबाबत सांगोला पोलीस ठाणे येथे एनडीपीएस कायदयाअंतर्गत गुन्हा दाखल करण्यात आला असुन पुढील तपास पो. नि. अनंत कुलकर्णी हे करत आहेत. 

गांजा कोठून आणला आणि कुठे घेऊन जात असल्याचा तपास सुरू-

संशयीत आरोपी संग्राम पुजारी याने  सदर गांजा कोठुन आणला, तो कोणाला विक्री करणार होता याबाबत माहिती घेतली जात असून अधिक तपास सुरू असल्याची माहिती पोलीस निरीक्षक अनंत कुलकर्णी यांनी दिली. सांगोला पोलीस ठाणे यांच्या मार्गदर्शनाखाली एएसआय कल्याण ढवणे,लिंबाजी पवार, विशाल लेंडवे, राहुल कोरे, मुजावर, गणेश कुलकर्णी,  सुनिल लोंढे, संभाजी काशीद यांनी केली