नळदुर्ग सहाय्यक पोलीस उपनिरीक्षक गायकवाड लाचलुचपत प्रतिबंधक पथकाचे ताब्यात

उस्मानाबाद :

 दोन हजाराच्या लाचेची मागणी करून दीड हजार लाच घेताना नळदुर्गचे सहाय्यक पोलीस उपनिरीक्षक भीमा रघुनाथ गायकवाड यांना एसीबी पथकाने रंगेहात पकडून गुन्हा दाखल केला आहेत.

याबाबत माहिती अशी की, तक्रारदार या वकील असून त्यांनी

पोलीस स्टेशन नळदुर्ग गुन्ह्यातील आरोपीतास कोर्ट कामकाजात मदत केली होती, सदर आरोपीतास न्यायालय तुळजापूर यांनी न्यायालयीन कोठडी मंजूर केल्याने आरोपींना कारागृहात दाखल करण्यापूर्वी  सहाय्यक पोलीस निरीक्षक गायकवाड यांनी तक्रारदार यांच्याकडे सदर आरोपीस जेवण देण्यासाठी आणि सहकार्य करण्यासाठी पंचांसमक्ष २००० रुपये लाच रकमेची मागणी करून तडजोडी अंती १५०० रु लाच रक्कम स्विकारल्याने सदर आरोपीस ताब्यात घेण्यात आले आहे.

या सापळा पथकात - पोअ / मधुकर जाधव, अर्जुन मारकड, सचिन शेवाळे, सिद्धेश्वर तावसकर, विष्णु बेळे, विशाल डोके, जाकीर काझी, नागेश शेरकर ला.प्र.वि, उस्मानाबाद यांनी काम पाहिले.