मुरुम टाकण्याच्या कारणावरुन खडकोणी येथे दिराने केली भावजयीस मारहाण; बार्शी पोलीसात गुन्हा दाखल

बार्शी तालुक्यातील खडकोणी येथे दीराने आणि भावजईला  मारहाण केल्याचा प्रकार उघडकीला आला आहे. फिर्यादी महादेव दगडू नलवडे (वय वर्षे 73) राहणार खड़कोणी,ता.बार्शी यांना शुक्रवार,दि.25 फेब्रुवारी रोजी सकाळी 9 वाजण्याच्या सुमारास राहत्या घरासमोर फिर्यादीचा लहान भाऊ आरोपी भारत दगडू नलवडे याने 'जागा माझी आहे.तुम्ही येथे मुरूम टाकू नका' असे म्हणून फिर्यादीस व फिर्यादीची पत्नी रुक्मिणी महादेव नलवडे यांनी शिवीगाळ केली आहे.तसेच फिर्यादीच्या बायकोच्या नाकावर व कपाळावर दगड फेकून मारून तिला गंभीर जखमी केले आहे.म्हणून आरोपी विरुध्द बार्शी पोलीस ठाण्यात भा द वि कलम संहिता ३२६ प्रमाणे गुन्हा नोंदवण्यात आला आहे.अधिक तपास पोलीस हवालदार गायकवाड हे करीत आहेत. ही माहिती सोलापूर ग्रामीण पोलिस दलाकडून रविवार,दिनांक 27 फेब्रुवारी रोजी प्रेसनोटच्या माध्यमातून देण्यात आली आहे