संतापजनक! विवाहित महिला शेतात गेल्यानंतर घडला अत्याचार


औरंगाबाद:

शेतात गाईला चारा टाकण्यासाठी गेलेल्या ३० वर्षीय महिलेवर कपाशीच्या शेतात नेऊन अत्याचार केल्याची घटना घडली. या प्रकरणी वाळूज पोलीस ठाण्यात तक्रार दाखल केल्यानंतर संशयित देविदास फुके (५०, रा. धामोरी, ता. गंगापूर) याला एक तासाच्या आत अटक करण्यात आली.

याबाबत सविस्तर माहिती अशी, पीडित महिलेच्या सासूने दिलेल्या फिर्यादीनुसार, तिची ३० वर्षीय सून ही काहीशी भोळसर स्वभावाची आहे. ती बुधवारी दुपारी साडेबारा वाजेच्या सुमारास शेतात गाईला चारा टाकण्यासाठी गेली होती. दरम्यान संशयित आरोपी देविदास फुके हा तिच्या मागावर होता. देविदास याने तिला कपाशीच्या शेताजवळ गाठले आणि तिला कपाशी शेतात चल म्हणत ओढू लागला. पीडिता अचानक घाबरुन गेली, तिने नकार देताच देविदास याने तिला बळजबरीने शेतात ओढत नेत तिच्यावर अत्याचार केला.

या घटनेची माहिती कोणाला दिली तर ठार मारुन टाकीन अशी धमकीही अत्याचार करणाऱ्याने दिली. याप्रकरणी पीडितेच्या सासूने वाळूज पोलीस ठाण्यात दिलेल्या फिर्यावरुन संशयिताविरोधात गुन्हा दाखल करण्यात आला. संशयिताविरोधात उपनिरीक्षक चव्हाण यांनी गुन्हा दाखल केल्यानंतर त्याचा शोध घेऊन संशयित फुके याला तात्काळ बेड्या ठोकल्या.

Post a Comment

0 Comments