विरोधी पक्ष नेत्यांचा शिवसेनेत प्रवेश

वडूज नगरपंचायतीचे विरोधी पक्षनेते शहाजीराजे गोडसे यांच्या शिवसेना  प्रवेशाने खटाव तालुक्यात पक्षाला निश्चित ऊर्जा मिळणार असून, विकासकामांसाठी पक्ष शहाजीराजे गोडसे यांच्या पाठीशी खंबीरपणे उभा असल्याचे शिवसेनेचे पश्चिम महाराष्ट्र संपर्क नेते दिवाकर रावते  यांनी सांगितले. 

शहाजीराजे गोडसे म्हणाले, मुख्यमंत्री उद्धव ठाकरे यांच्यामुळे राज्य विकासाच्या शिखरावर पोचले असून, त्यांच्या मार्गदर्शनाखाली पक्षाच्या माध्यमातून शहरात विविध विकासकामे करून शहराचा कायापालट करण्याबरोबच पक्षवाढीसाठी ताकदीने प्रयत्न करण्यात येतील.

प्रा. नितीन बानुगडे- पाटील, जिल्हाप्रमुख चंद्रकांत जाधव, विधानसभा संपर्कप्रमुख शंकर वीरकर, संजय भोसले, सचिन भिसे, युवराज पाटील, महेश गोडसे, बाळासाहेब जाधव, शहरप्रमुख सुशांत पार्लेकर, विभागप्रमुख आबासाहेब भोसले उपस्थित होते.