मोहोळ/प्रतिनिधी:
मोहोळ तालुक्यातील बेगमपूर येथे ट्रक व चार चाकी चा समोरा समोर भीषण अपघात एक जण जागीच ठार तर दोघे जण गंभीर जखमी झाले आहेत. या मधील सुनील वाघमारे (वय ३१ रा.टिळक नगर सोलापूर) असे मर्द पावलेल्या व्यक्तीचे नाव आहे. तर दोघा जणांना सोलापूर येथील रुग्णालयात उपचारासाठी दाखल करण्यात आले आहे.
बेगमपूर जवळ ट्रक चार चाकी भीषण अपघात
गिरीश माने, हर्षवर्धन सर्वगोड व सुनील वाघमारे हे वाहन क्रमांक एमएच १३ डिटी १८१९ या चारचाकी वाहनाने सांगोला येथे गेले होते. संगोला येथील काम संपवून ते सांगोला येथून सोलापूरला निघाले होते. मध्यरात्री ०१ वा. यांचे वाहन मंगळवेढा-सोलापूर रोडवरील बेगमपूर येथे एसबीआय बँकेसमोर आले असता समोरून येणारा ट्रक एमच १३ डीक्यू १२७० याने यांच्या वाहनाला समोरून धडक दिली. धडक देऊन वाहन चालक पळून गेला आहे.
कामती पोलीस ठाण्यात फिर्याद दाखल
या धडकेत सुनील वाघमारे हे मयत झाले असून गिरीश माने, हर्षवर्धन सर्वगोड हे दोघे गंभीर जखमी झाले आहेत. अशा आशयाची फिर्याद कामती पोलिसात हर्षा कुमार कांबळे यांनी दिली आहे. पुढील तपास कामती पोलीस ठाणे करीत आहे.
0 Comments