अखेर तहसीलदार ज्योती देवरे यांची बदली ; कोठे आणि कोणत्या विभागात? वाचा…

तहसीलदार ज्योती देवरे यांची ऑडिओ क्लिप व्हायरल झाल्यानंतर राज्यात खळबळ उडाली. या प्रकारानंतर अनेकांनी आ. लंके यांची बाजू लावून धरली आहे तर अनेकांनी देवरे यांचीही पाठराखण केली आहे.

हा राज्यभर चर्चेचा विषय ठरला होता. या प्रकरणानंतर आमदार निलेश लंके आणि तहसीलदार देवरे यांच्याबाबतीत विविध प्रतिक्रिया देखील आल्या होत्या.

आता अखेर तहसिलदार देवरे यांची बदली झाली आहे. त्यांची बदली आता जळगाव येथे झाली आहे.

त्या आता संजय गांधी निराधार योजनेत काम पाहतील. महिला अधिकारी म्हणून आमदार, प्रांताधिकारी, निवासी उपजिल्हाधिकारी,पोलीस निरीक्षक, गटविकास अधिकारी यांच्याकडून त्रास होत असल्याच्या तहसीलदार ज्योती देवरे यांनी आरोप केला होता.

या तक्रारीत तथ्य नसल्याचा महिला चौकशी समिती, विभागीय आयुक्त यांच्या समितीचा अहवाल प्राप्त झाल्यानंतर देवरे यांच्या बदलीचा आदेश शासनाने निर्गमित केला असल्याचे समजते. त्यांची बदली आता जळगाव येथे झाली आहे.