...अन् पत्नी माहेरी जाताच पतीने फेक अकाऊंट बनवत केले घृणास्पद कृत्य

पटियाला : पटियाला या ठिकाणी एक धक्कादायक प्रकरण घडले आहे. या प्रकरणात कौटुंबीक वादतुन व्यक्तिची पत्नी अनेक महिन्यांपासून माहेरी राहत होती. याचा पतीला राग आला होता. याच रागातून पतीने सोशल मीडियाच्या माध्यमातून पत्नीचे आक्षेपार्ह फोटो आणि मॅसेज तिच्या माहेरच्या परिसरातील संबंधित लोकांना पाठवत व्हायरल केले आहे. 

या महिलेचा विवाह मेहराज गावच्या धरमिंदर सिंग याच्याबरोबर झाला होता. धरमिंदर यांचा हा दुसरा विवाह होता. सासरचे लोक महिलेबरोबर चांगले वर्तन करत नसल्यामुळे पती- पत्नींमध्ये अनेकवेळा वाद होत होते. त्यामुळे या वादाला कंटाळुन पीडित महिला तिच्या माहेरी निघून गेली होती. 

धरमिंदरने पत्नीच्या नावाने खोटं फेसबूक अकाऊंट तयार केले. त्यानंतर त्याने महिलेच्या माहेरी तिच्या आसपास राहणाऱ्यांना तिच्या नावाने फ्रेड रिक्वेस्ट पाठवली. यानंतर पती त्या अकाऊंटवरून सर्वांना आक्षेपार्ह फोटो आणि मॅसेज पाठवत होता. तसेच त्या अकाऊंटवरून पती अश्लिल चॅटदेखील करत होता. यानंतर त्याने पत्नीला आणखी त्रास देण्यासाठी त्याने अश्लिल चॅट आणि फोटोचे स्क्रीनशॉट पत्नीला पाठवले. पतीच्या या कृत्यानंतर पत्नीने त्याच्या विरोधात पोलिसांत तक्रार दाखल केली आहे. आरोपीच्या विरोधात आयटी अ‍ॅक्ट २००० च्या कलम ६८ अंतर्गत गुन्हा दाखल करण्यात आला आहे. जर त्याच्यावरचे दोष सिद्ध झाले तर त्याला तीन वर्षांचा तुरुंगवास आणि ५ लाखांपर्यंत दंड होऊ शकतो.