बार्शी! महाराष्ट्रातील थिएटर मालकांची बैठक बार्शी तालुक्यातील जामगाव (आ) येथील राजलक्ष्मी कला केंद्र येथे संपन्न

बार्शी/प्रतिनिधी:

महाराष्ट्रातील सर्व लोककला केंद्र  सुरू करण्याबाबत सरकारशी निवेदनाद्वारे पत्रव्यवहार करण्यासाठी महाराष्ट्रातील  थिएटर मालकांची बैठक बार्शी तालुक्यातील जामगाव ( आ ) येथील राजलक्ष्मी कला केंद्र येथे  पार पडली. या बैठकी मध्ये थिएटर सुरू करणे बाबत चर्चा करण्यात आली. या चर्चेमध्ये सर्वांनी आपली मते व्यक्त केली तसेच भविष्य काळात थिएटर मालक व  कलावंतांच्या आडिअडचणी सोडवण्यासाठी संघटनेच्या माध्यमातून प्रयत्न केले जातील असे ठरले. 

 

 महाराष्ट्रातील थिएटर ज्यावेळी चालू होतील त्यावेळी शासन ज्या अटी व शर्ती  घालून देईल त्याचे पालन  सर्वांनी करायचे असे सर्वानुमते ठरले. या बैठकीस  सोलापूर , पूणे,  लातूर , नगर ,नाशिक , कोल्हापूर, सातारा जिल्हा व मराठवाडा तसेच  विदर्भ येथील ४०थिएटर मालक उपस्थीत होते.