देशात ५ जी सेवांची सुरूवात होण्याची शक्यता आहे. देशात सर्वप्रथम 5G सेवांची चाचणी करून एअरटेलनं सर्वांनाच आश्चर्याचा धक्का दिला. आता कंपनीनं हे अत्याधुनिक तंत्रज्ञान लाँच करण्यासाठी एक रोडमॅपही तयार केला आहे.
'इतका' स्पीड मिळणार..
देशात सर्वप्रथम 5G सेवांची सुरूवात मोठ्या शहरांपासून केली जाणार आहे. यामध्ये मुंबई, दिल्ली, चेन्नई, हैदराबादसारख्या शहरांचा समावेश असू शकतो.एअरटेलचं मोबाईल ब्रॉडबँड इन्फ्रास्ट्रक्चर फ्युचर प्रुफ आहे. हे नवी 5G सेवा त्वरित सुरू करण्यासाठी तयार तंत्रज्ञान आहे. 5G सेवा देशात सुरू करण्यासाठी कंपनी तयार असल्याचंही एअरटेलनं सांगितलं.
एअरटेल कंपनीची 5G सेवा 4G च्या तुलनेत 10 पट अधिक वेगवान असेल. कंपनीनं या सेवेची हैदराबादमध्ये चाचणी केली आहे. तसंच मोठ्या जीबीची एक मुव्ही अवघ्या काही सेकंदांमध्ये डाऊनलोड करता येणार आहे.
एअरटेलची 5G सेवा हैदराबादमध्ये कमर्शिअली लाँच करण्यात आली आहे. स्पेक्ट्रम मिळाल्यानंतर त्वरीत 5G सेवा सुरू करण्यात येणार असल्याची माहिती गोपाल विट्टल यांनी दिली.
5G सेवांमध्ये 3Gbps पर्यंत डाऊनलोड स्पीड मिळू शकतो. कंपनीनं दिलेल्या माहितीनुसार 5G सर्व्हिस स्पेक्ट्रम अलॉटमेंटनंतर त्वरित ही सेवा सुरू केली जाईल.
एअरटेलची ही 5G सेवा सर्व्हिस रेडिओ, कोअर आणि ट्रान्सपोर्ट डोमेनसाठी कंम्पॅटिबल असणार आहे. सरकारकडून परवानगी मिळाल्यांतर या सेवा लाँच केल्या जातील अशी माहिती टेलिकॉमटॉकनं एअरटेलचे मुख्य कार्यकारी अधिकारी गोपाल विट्टल यांच्या हवाल्यानं दिली.
0 Comments