करमाळा/ प्रतिनिधी:
करमाळा तालुक्यातील शिवसेनेचा प्रभाव वाढविण्यासाठी आपण काम करीत असून मुख्यमंत्री उद्धव साहेब ठाकरे व नगर विकास मंत्री एकनाथ रावजी शिंदे साहेब यांच्या मार्गदर्शनाखाली करमाळा तालुक्यातील राहिलेली विकासाची सर्व कामे मार्गी लावण्यासाठी मी कटिबद्ध आहे, असे स्पष्ट मत शिवसेनेचे माजी आमदार नारायण आबा पाटील यांनी व्यक्त केले.
नगर विकास मंत्री एकनाथ शिंदे व खासदार डॉक्टर श्रीकांत शिंदे यांच्या वाढदिवसाच्या निमित्ताने करमाळ्याचे आराध्य दैवत आई कमलाभवानी देवी चरणी एक किलो चांदीची तलवार माजी आमदार नारायण आबा पाटील यांच्या हस्ते श्री कमलादेवी चरणी अर्पण करण्यात आली. या वेळी कमला देवीची महाआरती करून आमदार एकनाथ शिंदे यांना दीर्घायुष्य लाभावे यासाठी महाआरती करण्यात आली.
यावेळी करमाळा पंचायत समितीचे सभापती गहिनीनाथ ननवरे, शिवसेनेचे उपजिल्हाप्रमुख महेश चिवटे, ग्रामीण चे जिल्हा उपाध्यक्ष भरत अवताडे, मार्केट कमिटीचे माजी संचालक देवानंद बागल, महिला आघाडीचे तालुकाध्यक्ष प्रियंका गायकवाड, युवा सेनेचे शहर प्रमुख विशाल गायकवाड, उपजिल्हाप्रमुख मयुर यादव, ग्रामपंचायत सदस्य जयराम सोरटे, कमलादेवी ट्रस्टचे अध्यक्ष सोमनाथ चिवटे, संचालक अनिल पाटील, व्यवस्थापक गाठे श्रीराम फुले पुजारी, अभय पुरानिक शिवसैनिक उपस्थित होते. यावेळी बोलताना नारायण पाटील म्हणाले की, मुख्यमंत्री उद्धव साहेब ठाकरे यांच्या विश्वासाला पात्र राहून एकनाथ शिंदे यांनी समाजसेवेचा प्रचंड डोंगर उभा केला आहे. संपूर्ण महाराष्ट्रात जवळपास १४० रुग्णवाहिका रुग्णसेवेसाठी मोफत देऊन एकनाथ शिंदे यांनी एक मोठा आदर्श निर्माण केला आहे.
आज त्यांच्या वाढदिवसानिमित्त करमाळा शहर व तालुक्यातील विविध सामाजिक उपक्रम राबविण्यात आले, असून या माध्यमातून आगामी काळात करमाळा तालुक्यातील शिवसेना भक्कम करून पुन्हा एकदा करमाळा विधानसभा मतदारसंघावर शिवसेनेचा भगवा फडकवणार असल्याचे सांगत पुन्हा आपण शिवसेनेकडून निवडणूक लढवणार असल्याचा इरादा स्पष्ट केला.
यावेळी ट्रस्टचे अध्यक्ष सोमनाथ चिवटे, सदस्य अनिल पाटील, व्यवस्थापक घाटे यांनी उपस्थित मान्यवरांचा सत्कार फेटा शाल श्रीफळ देऊन सत्कार केला.
लवकरच शिवसेनेकडून निवडून आलेला सर्व ग्रामपंचायत सदस्यांचा सत्कार व त्यांच्या विकास कामासाठी मार्गदर्शन शिबिर शिबिराचे तालुकास्तरीय आयोजन करणार असल्याचे माजी आमदार नारायण पाटील यांनी यावेळी सांगितले.
0 Comments