सध्या मी कोरोनाची लस घेणार नाही - मुख्यमंत्री शिवराज सिंह चौहान

मध्यप्रदेशमधील सर्व जिल्ह्यातं कोरोनाची लस देण्याची तयारी पूर्ण झालेली आहे.

भोपाळ - कोरोना महामारीतून लवकरात लवकर बाहेर पडता यावे यासाठी केंद्र सरकारने देशात दोन लसींना आपत्कालीन वापरासाठी परवानगी दिली आहे. त्यानंतर देशभरात लसीची ड्राय रन घेण्यात आली. या पार्श्वभूमीवर मध्यप्रदेशचे मुख्यमंत्री शिवराज सिंह चौहान यांनी कोरोनाची लस न घेण्याची घोषणा केली आहे. 

मध्यप्रदेशमधील सर्व जिल्ह्यातं कोरोनाची लस देण्याची तयारी पूर्ण झालेली आहे. राज्यात सर्व प्रकारच्या व्यवस्था करण्यात आल्या आहेत. परंतु सध्या मी कोरोनाची लस न घेण्याचा निर्णय घेतला आहे. प्रधान्य देण्यात आलेल्या सर्व ग्रुप्सना सर्वप्रथम लस दिली जाईल, नंतर माझा क्रमांक यायला हवा. राज्यातील लसीकरण सुनिश्चित केल्यानंतर कोरोनाची लस टोचून घेईल, असे शिवराज सिंह चौहान यांनी स्पष्ट केले. 

(Advertise)

कोरोना लस देण्यासाठी केंद्र सरकारकडून प्रधान्यक्रम देण्यात आलाय. सुरुवातीला आरोग्य सेवक, कोरोना वर्कर, ५० वर्षांपेक्षा अधिक वय असलेली आणि गंभीर आजारांनी त्रस्त्र असलेली व्यक्ती, असा प्रधान्यक्रम ठरवण्यात आला आहे. पहिल्या टप्प्यात जवळपास ३० कोटी भारतीयांना लस टोचली जाणार आहे, अशी माहिती आहे. 

नववर्षाच्या सुरुवातीलाच सीरम कंपनीच्या कोविशील्ड आणि भारत बायोटेक कंपनीच्या कोव्हॅक्सिन या दोन लसींना केंद्र सरकारकडून आपत्कालीन वापरासाठी देण्यात आली आहे.