पुणे पदवीधर निवडणुकीसाठी वारकरी संप्रदायची उडी, शेखर मुंदडा यांना पाठिंबा

पंढरपूर/प्रतिनिधी:

पुणे पदवीधर  मतदारसंघात राजकीय वातावरण तापत सुरुवात झाली आहे. पुणे पदवीधर संघातील सोलापूर जिल्ह्यातील प्रमुख पक्षातील नेत्यांनी मोर्चेबांधणीला सुरुवात केली आहे. त्यात वारकरी संप्रदायाने उडी घेतली आहे. वारकऱ्यांच्या अडचणी सोडवण्यासाठी संप्रदायात हक्काचा प्रतिनिधी असावा, म्हणून वारकरी संप्रदाय पुणे पदवीधर मतदारसंघात आपला उमेदवार उभा करण्याचा निर्णय घेतला आहे. संप्रदायातील तरुण सुशिक्षित युवकांना या माध्यमातून प्रतिनिधित्व करण्याची संधी मिळावी,  पुणे पदवीधर मतदारसंघात वारकरी संप्रदाय आपला उमेदवार उभा करणार आहे. त्यात प्रामुख्याने शेखर मुंदडा यांना वारकरी संप्रदायाने  पाठिंबा दर्शवला आहे.

पंढरपूर येथे झालेल्या वारकरी पाईक संघ व वारकरी संप्रदाय युवा मोर्चा यांच्यावतीने पुणे पदवीधर मतदारसंघाबाबत बैठक घेण्यात आली. यावेळी वारकरी पाईक संघाचे प्रवक्ते रामकृष्ण महाराज वीर व वारकरी संप्रदाय युवा मोर्चा मोर्चाचे राज्याचे अध्यक्ष अक्षय महाराज भोसले यांनी शेखर मुंदडा यांच्या नावाला संमती दर्शवली आहे.

विधान परिषदेच्या पुणे पदवीधर मतदारसंघात वारी आणि वारकऱ्यांच्या अडचणी सोडवण्यासाठी संप्रदायाचा हक्काचा प्रतिनिधी असावा, यासाठी संप्रदायातील तरुण सुशिक्षित पिढी पुढे आली असून. आपल्या विचाराचा उमेदवार पदवीधर मतदारसंघात असावा, यासाठी  शेखर मुंदडा याना आपला पाठिंबा जाहीर केला आहे. दिवसभर चाललेल्या गाठी भेटी आणि बैठकीतून हा निर्णय वारकरी पाईक संघाचे प्रवक्ते रामकृष्ण महाराज वीर आणि वारकरी संप्रदाय युवा मोर्चाचे राज्याचे अध्यक्ष अक्षय महाराज भोसले यांनी बैठक घेऊन हा निर्णय जाहीर केला.

पुणे पुणे पदवीधर मतदारसंघात कोल्हापूर सातारा सांगली सोलापूर पुणे या जिल्ह्यांचा समावेश आहे या जिल्ह्यांमध्ये हे वारीला येणारा वारकरी मोठ्या प्रमाणावर आहे त्यात युवा वर्गाचा समावेश प्रभावीपणे आहे त्यामुळे वारकरी संप्रदाय यांना पदवीधर मतदारसंघात याचा मोठा लाभ होण्याची शक्यता आहे.