मंगळवेढा तालुक्यातील शेततळ्यात बुडून एका युवकाचा मृत्यू

मंगळवेढा/प्रतिनिधी:

मंगळवेढा तालुक्यातील नंदेश्वर येथील शेततळयात बुडून एका १६ वर्षीय मुलाचा मृत्यू झाल्याची दुर्देवी घटना घडली आहे. दामाजी उर्फ पवन नामदेव अवघडे असे मृत झालेल्या मुलाचे नाव आहे.

याबाबत अधिक माहिती अशी की, दामाजी उर्फ पवन नामदेव अवघडे (वय १६ रा. साठे नगर, मंगळवेढा) हा त्याचे मामा अशोक भगवान कांबळे यांच्या शेततळयातील पाण्यात २ नोव्हेंबर रोजी दुपारी १.१५ च्या सुमारास पडून बुडून मयत झाला. दरम्यान दोन महिन्यांत शेततळ्यात व अतिवृष्टीच्या पाण्यात बुडून पाच जणांचा दुर्दैवी मृत्यू झाला आहे.नंदेश्वर येथील शेततळयात बुडून एका १६ वर्षीय मुलाचा मृत्यू झाल्याची दुर्देवी घटना घडल्यामुळे गावात हळहळ व्यक्त होत आहे. याची खबर बसवंत कांबळे यांनी मंगळवेढा पोलिसात नोंदविली असून अधिक तपास तुकाराम कोळी हे करीत आहेत.