चांदी झाली २५०० हजाराने स्वस्त ; सोन्याच्या किंमतीतही झाली प्रचंड घसरण

अमेरिकेत मदत पॅकेज न मिळाल्याच्या वृत्तानंतर देशातील वायदे बाजारामध्ये सोन्याच्या किंमती मोठ्या प्रमाणात घसरल्या आहेत. या काळात चांदी २५०० रुपये प्रतिकिलोने स्वस्त झाली आहे. त्याचबरोबर तज्ज्ञांचे असे म्हणणे आहे की, येत्या काही दिवसांत प्रति १० ग्रॅम सोन्याची किंमत ५०,००० रुपयांच्या खाली जाऊ शकते.

अमेरिकेचे अध्यक्ष डोनाल्ड ट्रम्प यांनी डेमोक्रॅट्सबरोबरील उत्तेजन पॅकेजेसवरील चर्चा पुढे ढकलल्यानंतर भारतातील सोन्याच्या किंमती  दुसर्‍या दिवशी खाली आल्या. बुधवारीच्या सुरुवातीच्या व्यापारात, एमसीएक्सवरील सोन्याच्या वायद्याचे दर हे प्रति १०  ग्रॅम ४७० रुपयांनी किंवा ०.९% खाली घसरले ५०,०८८ रुपयांवर आले.