मराठा आरक्षणासाठी बार्शीच्या युवकाने संपविले जीवन, चिठ्ठी लिहून केली आत्महत्या

बार्शी |

 पुण्यातील खाजगी कंपनीत काम करणारे बार्शीतील युवक शंभुभक्त प्रसाद देठे यांनी मराठा आरक्षणाच्या मागणीसाठी आत्महत्या केली आहे. त्यांनी आत्महत्येपूर्वी लाईव्ह व्हिडिओ तयार केला आणि चिठ्ठी लिहून गळफास घेतला. हा धक्कादायक प्रकार आज सकाळी उघडकीस आला आहे. देठे यांच्या निधनामुळे समाजातील सर्व स्तरातून हळहळ व्यक्त होत आहे.

शंभुभक्त प्रसाद देठे यांनी तुळापुर येथील छत्रपती संभाजी महाराजांच्या समाधीस्थळाचे सेवेकरी म्हणून भरीव कार्य केले होते. देठे यांनी त्यांच्या चिठ्ठीत स्पष्टपणे लिहिले आहे की, मराठा आरक्षण मिळावे याच हेतूने त्यांनी आत्महत्या केली आहे आणि त्यांच्या मृत्यूस कोणीही जबाबदार नाही.

प्रसाद देठे यांच्या आत्महत्येने मराठा समाजातील असंतोष पुन्हा एकदा उफाळून आला आहे. समाजातील सर्व स्तरातून या घटनेची नोंद घेतली जात आहे आणि त्यांच्या आत्महत्येने मराठा आरक्षणाच्या मागणीवर पुन्हा एकदा गंभीर विचार केला जावा, अशी मागणी होत आहे. देठे यांच्या जाण्याने समाजात हळहळ व्यक्त होत आहे, आणि मराठा आरक्षणाच्या मागणीसाठी आणखी जोर धरला जात आहे. 

तुळापुर येथील छत्रपती संभाजी महाराजांच्या समाधीस्थळाचे सेवेकरी म्हणून देठे यांनी केलेल्या भरीव कार्याचे समाजात खूप कौतुक होते. त्यांच्या निधनामुळे तुळापुर येथील सेवेकऱ्यांमध्येही शोककळा पसरली आहे. देठे यांच्या आत्महत्येने मराठा समाजातील आरक्षणाच्या मागणीवर नवा प्रकाश पडला असून, या मागणीच्या दृष्टीने सरकारने तात्काळ पाऊले उचलावी अशी मागणी समाजातून होत आहे.

या लिंक वर जाऊन मराठा समाज आरक्षणाबद्दल त्याचे म्हणणे नक्कीच ऐका...

आत्महत्या करण्यापूर्वीचा हा व्हिडिओ आहे.

https://www.facebook.com/share/v/dbcZbeRZSj3qbya4/?mibextid=oFDknk