ओवैसींना झटका ! बंगालची जबाबदारी सांभाळणाऱ्या नेत्यानेच दिला ममतांना पाठिंबा


कोलकाता : निवडणुकीआधीच खासदार ओवैसींना जोर का झटका बसला आहे. एमआयएमचे पश्चिम बंगाल प्रभारी झमीरुल हसन यांनी पक्षाचा राजीनामा दिला असून ममतांना पाठिंबा देण्याची घोषणा केली आहे.

बिहार विधानसभा निवडणूक आणि गुजरात स्थानिक स्वराज्य संस्था निवडणुकीत चांगली कामगीरी करून देशाचे लक्ष वेधून घेणाऱ्या एमआयएमने पश्चिम बंगाल विधानसभा निवडणूक लढवण्याची घोषणा केली आहे. आता बंगालमध्ये प्रचारामुळे राजकीय वातावरण तापत असतानाच ओवैसींना मोठा जोर का झटका बसला आहे. एमआयएमचे पश्चिम बंगालचे प्रभारी जमीरूल हसन यांनी शुक्रवारी पक्षाचा राजीनामा दिला. हसन यांनी पक्षाचा राजीनामा दिल्यानंतर नवीन पक्ष स्थापन करण्याची घोषणा देखील केली आहे.  हसन हे इंडियन नॅशनल लीग या पक्षाची स्थापना करणार आहे. त्यांनी पक्षाचा ममता बॅनर्जी आणि तृणमूल काँग्रेसला पाठिंबा जाहिर केला आहे. ममता बॅनर्जी नंदीग्राम मतदारसंघातून निवडणूक लढवत असून, इथे इंडियन नॅशनल लीगने त्यांना पाठिंबा दर्शवला आहे. त्यामुळे, ओवैसींना मोठा धक्का बसला आहे. 

जानेवारीमध्ये एमआयएमचे अध्यक्ष असदुद्दीन ओवैसी यांनी शरीफ जाकर पीरजादा अब्बास सिद्दीकी यांची भेट घेतली होती. या भेटीमुळे हसन नाराज झाले होते. त्या नाराजीतूनच त्यांनी पक्षाचा राजीनामा दिल्याचे बोलले जात आहे.  मी २०१५मध्ये एमआयएममध्ये प्रवेश केला होता. हा पक्ष बंगालमधील २० जिल्ह्यांमध्ये पोहोचवण्यासाठी आम्ही कष्ट घेतले आहे. याचा पुरावा म्हणजे देशात कोणत्याही मुख्यमंत्र्यांनी एमआयएमला लक्ष्य केले नाही, मात्र ममतांनी केले आहे. आमच्या अनेक लोकांना अटक करण्यात आले आहे. मलाही अटक करण्यात  आली होती. मात्र, असदुद्दीन ओवैसी जुन्या लोकांना किंमत देत नाही. त्यांनी एकदाही अटक करण्यात आलेल्या लोकांबद्दल पत्रकार परिषदेतून भूमिका मांडली नाही, असे हसन यांनी आज तक वृत्तवाहिनाली दिलेल्या मुलाखतीत म्हटले आहे.

Post a Comment

0 Comments