चालत्या ट्रक मध्ये कोयत्याचा धाक दाखवून एक लाख १९ हजार रुपयांची लूट, पोलिसांकडून दोघांना अटक


टेंभुर्णी/प्रतिनिधी:

पुणे-सोलापूर महामार्गावरील अंजनगाव येथे दोघा जणांनी चालत्या ट्रक मध्ये चढून ट्रक मालकाच्या गळ्याला कोयता लावून एक लाख १९ हजार रुपयांची लूट करण्यात आली. टेंभुर्णी पोलीस ठाण्यात रवींद्र दत्तू परब यांनी फिर्याद दिली आहे यामध्ये ३ मोटर सायकलवरून येऊन नऊ जणांनी ट्रक लुटला. याबाबत टेंभुर्णी पोलिसांकडून दोघांना अटक करण्यात आली आहे.

ट्रकमधून उतरताना दोघा आरोपींची ओळख

पोलिसांनी दिलेल्या माहितीनुसार, रवींद्र दत्तू परबत व चालक हैदर आमिन पठाण (रा. अंजनगाव उमाटे, ता. माढा) हे दोघे तांडूर येथून ट्रक (एम.एच १२ ७१७४ ) मधून सिमेंटच्या गोणी भरून पुण्याच्या दिशेने जात असताना, शनिवारी पहाटे साडेतीनच्या सुमारास माढा तालुक्यातील मोडनिंब येथील उड्डाणपुलावर आला असताना, ९ जणांच्या अज्ञात टोळीने ट्रक अडवण्याचा प्रयत्न केला.  मात्र चालक पठाण यांच्या प्रसंगवधन ओळखून त्यांनी ट्रक न थांबता तसाच तो पुढे दामटून नेला. मात्र टोळीतील नऊ जणांनी मोटरसायकलवर ट्रकचा पाठलाग केला. त्यावेळी मोटरसायकल वरील अज्ञात व्यक्तींनी ट्रकच्या काचेवर दगडफेक करत ट्रक थांबवण्यास भाग पाडले व त्यातील दोघा जणांनी चालत्या ट्रक मध्ये चढत, ट्रकच्या केबिन मध्ये असणाऱ्या मालकाच्या गळ्याला कोयत्य लावत पैसे देण्याची मागणी केली व त्यांच्या जवळील एक लाख १९ हजार रुपयांचा रक्कम घेऊन मारेकरी पोबारा झाले. लुटारू ट्रकमधून खाली उतरताना त्यांच्या चेहऱ्यावरील मास्क काढल्यामुळे त्या दोघांचा चेहरा मालकाचं निदर्शनास आला.

टेंभुर्णी पोलीस ठाण्यामध्ये गुन्हा दाखल

मालक रवींद्र दत्तू परबत व चालक हैदर आमिन पठाण यांनी टेंभुर्णी पोलीस ठाणे गाठले व ट्रक लूट संदर्भात पोलिस ठाण्यामध्ये फिर्याद दाखल केली. पोलिसांनी नऊ अज्ञात विरोधात वाटमारी गुन्हा दाखल केला. पोलिसांनी जलद गतीने चक्र फिरून गुन्ह्याचा शोध घेणे सुरू केले.

ओळखपरेडमध्ये दोघांना ओळखले

टेंभुर्णी पोलिसांकडून पोलीस ठाण्यात क्षेत्रातील वाटमारी करणारे संशयित व्यक्तींना ओळख परेड साठी पोलीस ठाण्यात बोलवण्यात आणले. यामधील टोळीतील काही संशय पोलिसांनी ओळख परेड घेतली. ट्रक मालकांनी टोळीतील नऊपैकी दोन आरोपींना ओळखले. सागर मसुरकर व सौरभ माळी (रा. अंजनगाव ता. माढा) यांची ओळख पटवण्यात पोलिसांना यश आले. उर्वरित सात जणांचा शोध पोलिस कर्मचारी करत आहे.

Post a Comment

0 Comments