पुण्यातील विमानतळ परिसरातून एका घृणास्पद प्रकार उघडकीस आला आहे. घराशेजारीच राहणाऱ्या एका २० वर्षीय तरुणाने ५ वर्षीय चिमुरडीवर लैंगिक अत्याचार केले. पीडित चिमुरडीच्या वडिलांनी याप्रकरणी फिर्याद दिली असून आरोपी नराधमाविरोधात विमानतळ पोलीस ठाण्यात पोक्सो अंतर्गत गुन्हा दाखल करण्यात आला आहे. पोलिसांनी त्याला अटकही केलीय. शनिवारी सकाळी हा प्रकार घडला आहे.
पोलिसांनी दिलेल्या माहितीनुसार, पीडित तरुणी शनिवारी सकाळी घरात एकटीच असल्याचे पाहून आरोपीने तिला घराबाहेर बोलावले. त्यानंतर एका इमारतीच्या कार पार्किंगमध्ये घेऊन जात कारच्या आडोशाला तिच्यावर लैंगिक अत्याचार केले. दरम्यान घरी गेल्यानंतर चिमुरडीने हा प्रकार कुटुंबियांना सांगितला. त्यानंतर कुटुंबीयांनी पोलिसांत धाव घेत तक्रार दिली. पोलिसांनी तातडीने गुन्हा दाखल करीत आरोपीला अटक केली. विमानतळ पोलिस अधिक तपास करत आहेत.
0 Comments