प्रेयसीची हौसेसाठी प्रियकराने आठ मोटरसायकल चोरल्या

पंढरपूर/प्रतिनिधी:

प्रियसीचे हौस भागवण्यासाठी प्रियकराने चक्क मोटरसायकल चोरीचा व्यवसाय सुरू केला होता. प्रियकरने प्रेयसीच्या हौसेसाठी आठ मोटरसायकल चोरी केल्या होत्या.  पंढरपुरातील चोरलेली गाडी  करणाऱ्या व्यक्तीला पोलिसांनी पकडून त्याच्याकडून आठ गाड्या जप्त केले आहे. याप्रकरणी महादेव सगर (वय २६ रा. ३२ खोल्या पंढरपूर) या प्रियकराला ताब्यात घेतले आहे. पंढरपूर पोलिसांनी ही कारवाई केली आहे.

विठुरायाच्या देवदर्शनासाठी आलेल्या भाविकाने पंढरपूर शहर पोलीस स्टेशन मध्ये मोटरसायकल चोरीला गेल्याची तक्रार दाखल केली होती.  ही मोटर सायकल पंढरपूर शहरातील काळा मारुती चौक येथून चोरीस गेल्याचे तक्रार सोपान नारायण बंडगर (वय ४२, रा. सलगरे, ता-मिरज, जि.सांगली) व रुकमांगद एकनाथ सोनुरे यांनी दिली होती. हे दोघे २५ डिसेंबर रोजी पंढरपूर दर्शनासाठी मोटरसायकल (क्र. एमएच १० बीके ५१०६)वरून आले होते.

पंढरपूर पोलिसांनी काही तासातच तपासाची चक्रे फिरवली. पोलिसांनी काही तासातच महादेव सगर याला ताब्यात घेऊन चोरीला गेलेली मोटार सायकल जप्त केली. त्याचबरोबर त्याच्याकडून इतर ७ मोटरसायकली हस्तगत करण्याचे काम पोलिसांनी केले आहे. पोलिसांनी महादेव सगर यांच्याकडे चौकशी केली असता. त्याने या मोटर सायकल प्रेयसीच्या हाऊस पुरविण्याकरिता आपण चोरी केल्या होत्या असल्याची कबुली पोलिसांना दिली.

ही कारवाई पोलीस निरीक्षक अरुण पवार, पोलीस उपनिरीक्षक राजेंद्र गाडेकर, पोलीस कर्मचारी सूरज हेंबाडे, बिपीन ढेरे, गणेश पवार, शरद कदम, सुजीत जाधव, सुनील बनसोडे, राजेश गोसावी यांनी केली आहे.